मिनी ट्रक दुर्घटना हुँदा चालकको मृत्यु

सल्यान,१४ जेठ । सल्यानमा मिनी ट्रक दुर्घटना हुँदा चालकको मृत्यु भएको छ । मृत्यु हुनेमा छत्रेश्वरी गाउँपालिका–६ का २६ वर्षीय सुकलाल घर्ती रहेको प्रहरीले जानकारी दिएको छ । आइतबार बेलुका कपुरकोट गाउँपालिका–३ अरिङ्गाले फेदी भन्ने स्थानको राप्ती राजमार्गमा श्रीनगरतर्फ जाँदै गरेको रा १ ख १९१६ नम्बरको मालसामान बोकेको मिनीट्रक अनियन्त्रित भई दुर्घटना भएको हो ।

ट्रक सडकदेखि ३ मिटर तल खसेको थियो । यस्तै ट्रकका सहचालक बनगाड कुपिन्डे नगरपालिका–९ का २१ वर्षीय तेज बहादुर बुढाथोकी घाइते भएका छन् । उनको श्रीनगरको स्थानीय स्वास्थ्य संस्थामा उपचार भइरहेको छ।