जीबी राईलाई नेपाल ल्याउने छलफल भइरहेको छः गृहमन्त्री लामिछाने

काठमाडौँ,६ असार । उपप्रधान एवम् गृहमन्त्री रवि लामिछानेले जीबी राईलाई नेपाल ल्याउने विषयमा छलफल भइरहेको बताएका छन् । सहकारी ठगी प्रकरणका मुख्य आरोपपी जीतेन्द्रबाबु (जीबी) राईलाई नेपाल ल्याउने विषयमा छलफल भइरहेको बताएका हुन् ।

जीबी राई बस्दै आएको ठाउँ समेत पत्ता लागिसकेको र त्यहाँको गृहमन्त्रीसंग छलफल समेत भइरहेको उनले बताएका छन्।
भरतपुर विमानस्थलमा आज सञ्चारकर्मीसँग कुराकानी गर्दै गृहमन्त्री लामिछानेले आफू मलेसियाका गृहमन्त्रीसँग लगातार सम्पर्कमा रहेको बताए। उनले मलेसियामा राई रहेको ठाउँ पत्ता लागिसकेको समेत बताए।

यसैबीच गृहन्त्री लामिछानेले राष्ट्रिय स्वतन्त्र पार्टीका मन्त्रीहरूले राजीनामा पत्र बोकेर हिँडेको भन्ने अभिव्यक्तिका कारण सरकार वा गठबन्धनमा समस्या आएको भन्ने कुरामा कुनै सत्यता नभएको उल्लेख गरे ।