पहिरोले घर पुर्दा एकै घरका ५ जनाको मृत्यु

तम्घास,१५ ।  गुल्मीमा पहिरोले घर पुर्दा एकै घरका पाँचजनाको मृत्यु भएको छ।

जिल्लाको मालिका गाउँपालिका वडा नम्बर ६ अर्जै ठाँटीमा शुक्रबार राति गएको पहिरोले घर पुरिएको हो।

दुईतले घरमा पहिरो जाँदा उनीहरूको मृत्यु भएको जिल्ला प्रहरी कार्यालय गुल्मीले जनाएको छ।

पहिरोमा पुरिएका पाँच जनामध्ये एकजना वृद्धको शव निकालिएको जिल्ला प्रहरी कार्यालय गुल्मीका प्रहरी निरीक्षक सूर्यबहादुर चौधरीले जानकारी दिए।

जिल्ला प्रहरी  जिल्लाबाट प्रहरी निरीक्षकको कमान्डमा ११ जनाको टोली घटनास्थल पुगेको छ ।
घटनाको विस्तृत विवरण आउन बाँकी छ।