नदीमा पानीको बहाव बढेपछि पाँच परिवारका २३ जना विस्थापित

कास्की,२२ असार । अविरल वर्षका कारण नदीमा पानीको बहाव बढेपछि पाँच परिवारका २३ जना विस्थापित भएका छन्। सेती नदीमा पानीको बहाव बढेपछि पोखरा महानगरपालिका वडा नम्बर १४ गोष्ठी टोलस्थित सेती नदीको किनारमा बसोबास गर्ने पाँच घरधुरी विस्थापित भएका हुन्

कास्की प्रहरीका अनुसार घरको सम्पूर्ण सामग्री सहित उनीहरूलाई गोष्ठी टोल विकास संस्थाको भवनमा सारिएको छ।

स्थानान्तरण हुनेमा स्थानीय बिष्णुमाया सुनुवारको ५ जना परिवार,डोल्मा शेर्पाको ७ जनाको परिवार, सुकदेव गुरुङको ४ जना, डावा शेर्पाको ४ र काजी शेर्पाको ३ जनाको परिवार रहेको जिल्ला प्रहरी प्रवक्ता डिएसपी वसन्त शर्माले जानकारी दिए ।