खोलाले बगाउँदा एक बालिकाको मृत्यु

हेटौँडा, २७ असार । खोलाले बगाउँदा हेटौडामा एक बालिकाको मृत्यु भएको छ। वर्षसँगै आएको बरौली खोलाको भेलले बगाउँदा हेटौडा १८ स्थित १० वर्षीय रसमती बलको मृत्यु भएको प्रहरी जनाएको छ।

जिल्ला प्रहरी कार्यालय मकवानपुरका अनुसार खेतमा काम गर्न जाने क्रममा  चिप्लेर खोलामा खस्दा स्थानीय धनबहादुर बलकी छोरी रसमतीको मृत्यु भएको प्रहरीको भनाइ छ । 

प्रहरी चौकी ठुलोदमारमा खबर प्राप्त हुनासाथ घटनास्थल पुगेको प्रहरीले  घटनास्थलबाट अन्दाजी. ५०० मिटर तल पानीमा मृत अवस्थामा बालिकाको शव फेला पारेको मकवानपुर प्रहरी प्रवक्ता प्रहरी नायब उपरीक्षक लक्ष्मी भण्डारीले जानकारी दिए ।