after_navbar

अमेरिका लैजाने ५० बिचौलियामाथि ब्युरोले थाल्यो अनुसन्धान


फागुन २२, २०८१


काठमाडौं,२२ फागुन । नेपालबाट अवैध रूपमा अमेरिका लैजाने ५० जना बिचौलिया सक्रिय रहेको खुलासा भएको छ। मानव बेचबिखन अनुसन्धान ब्युरोले उनीहरूको सूची तयार गरी अनुसन्धान अघि बढाएको छ।

ad

ब्युरोका अनुसार, बिचौलियाहरू काठमाडौंबाट मेक्सिको हुँदै अमेरिका पठाउने गिरोहमा संलग्न छन्। सोही क्रममा अमेरिकाबाट डिपोर्ट भएका ९ जना नेपाली बुधबार काठमाडौं आइपुगेका छन्। तीमध्ये ८ जनालाई अमेरिकन प्रहरीले चार्टर उडानमार्फत पठाएको थियो भने एक जना महिला व्यावसायिक उडानमार्फत स्वदेश फर्किएकी हुन्।

ad

डिपोर्ट भएकाहरूले काठमाडौंबाट दुबई, युरोप हुँदै ब्राजिलको बाटो समातेका थिए। ब्राजिलबाट मेक्सिको हुँदै अमेरिका पुग्न ५० लाखदेखि १ करोड रुपैयाँसम्म खर्च भएको पाइएको छ। प्रहरी अनुसन्धान अनुसार, बिचौलियाहरूले उनीहरूबाट लाखौँ रुपैयाँ असुली अवैध बाटोबाट अमेरिका पुर्‍याउने काम गर्दै आएका छन्।

ad

मानव तस्करी नियन्त्रणका लागि प्रहरी प्रशासनले बिचौलियाहरूको पहिचान गर्दै कडा निगरानी बढाएको छ। यस विषयमा थप अनुसन्धान जारी रहेको ब्युरोले जनाएको छ।

प्रतिक्रिया दिनुहोस


© 2024 Pradesh Kura. All rights reserved.

Powered By : Clock b Business Technology

data-href="