ट्रम्प–मस्क विवादले टेस्लाको शेयरमा १५० अर्ब क्षति

एजेन्सी । अमेरिकी पूर्वराष्ट्रपति डोनाल्ड ट्रम्प र अर्बपति उद्यमी एलोन मस्कबीच जारी तिखो बयानबाजीले टेस्ला कम्पनीको शेयरमा गम्भीर असर पारेको छ।

बिहीबार टेस्लाको शेयर १४ प्रतिशतले घट्यो, जसका कारण कम्पनीको कुल मूल्य लगभग १५० अर्ब अमेरिकी डलरले घटेको छ। विश्लेषकहरूका अनुसार यो पछिल्ला केही महिनामा टेस्लाको लागि सबैभन्दा खराब दिनमध्ये एक हो।

विज्ञहरू भन्छन् कि यदि मस्क र अमेरिकी सरकारलेबीचको विवाद झन् चर्कियो भने मस्कको व्यवसायिक साम्राज्यमा थप क्षति पुग्न सक्छ। उनीहरूका अनुसार, “मस्क यस्तो सरकारसँग भिडिरहेका छन् जुन आलोचकहरूमाथि कारबाही गर्न पछि पर्दैन।”

ट्रम्पले स्पेसएक्सजस्ता मस्कका कम्पनीलाई दिइएको सरकारी ठेक्का रद्द गर्ने चेतावनी दिएका छन्। यसको जवाफमा मस्कले सार्वजनिक रूपमा प्रतिक्रिया दिँदै भनेका छन्, “तिमीलाई जे मन लाग्छ गर, मलाई वास्ता छैन!”

ट्रम्प र मस्कबीचको मतभेद सुरुमा नीति–बहसका रूपमा देखिएको थियो, तर पछि यो विवाद व्यक्तिगत आरोप–प्रत्यारोपमा परिणत भएको हो।