राजधानीका अस्पतालमा रगत अभावः रक्तदान गर्न आह्वान

काठमाडौँ,२३ भदौ। सोमबार राजधानीमा भएको जेन–जीको सरकार विरोधी प्रदर्शनका क्रममा सयौँ व्यक्तिहरू घाइते भएपछि सामाजिक सञ्जालमा रगत अभाव भएको भन्दै पोस्टहरू राखिएका छन्।

विशेषगरी घाइतेहरूको उपचार भइरहेका सिभिल अस्पताल, ट्रमा सेन्टर र एभरेष्ट अस्पतालमा तत्काल रगत आवश्यक भएको भन्दै सोही क्षेत्रमा अभाव देखिएको उल्लेख गरिएको छ।

विभिन्न समूहहरूले रक्त अभाव हुनसक्ने भन्दै स्वेच्छिक रक्तदाताहरूलाई नजिकैको अस्पतालमा पुगेर सहयोग गर्न अनुरोध गरेका छन्।