सर्वोच्च अदालतमा त्रिपालमुनि मुद्दा सुनुवाइ सुरु

काठमाडौं,२ असोज । गत भदौ २३ र २४ गते भएको जेनजी आन्दोलनका क्रममा सर्वोच्च अदालतमा तोडफोड र आगजनी भएको थियो। आगजनीका कारण भवन क्षतिग्रस्त भएपछि अहिले अदालतले अस्थायी रूपमा त्रिपालमुनि नै मुद्दा सुनुवाइ सुरु गरेको छ।

देशको सर्वोच्च न्यायिक निकायका रूपमा सर्वोच्च अदालतले उच्च अदालतहरूको फैसलामाथि पुनरावेदन, रिट निवेदन र संवैधानिक व्याख्यासम्बन्धी मुद्दाहरू सुन्दै आएको छ। अदालत भवन उपयोग अयोग्य बनेपछि बाध्यतावश अस्थायी व्यवस्थाबाटै काम अगाडि बढाइएको हो।

आज पनि दुई वटा बन्दी प्रत्यक्षीकरणसम्बन्धी मुद्दाको सुनुवाइ त्रिपालमुनि गरिएको छ।