एनपीएल : आज लुम्बिनी लायन्स र विराटनगर किङ्ग्स भिड्दै

काठमाडौ,२५ मंसिर। त्रिवि अन्तर्राष्ट्रिय क्रिकेट रंगशालामा जारी नेपाल प्रिमियर लिग (एनपीएल) अन्तर्गत दोस्रो क्वालिफायर खेल आज दिउँसो ४ बजे लुम्बिनी लायन्स र विराटनगर किङ्ग्सबीच हुने भएको छ।

पहिलो क्वालिफायरमा सुदूरपश्चिम रोयल्ससँग ७७ रनले पराजित भएकाले विराटनगरले दोस्रो क्वालिफायर खेल्ने मौका पाएको हो। लुम्बिनी भने इलिमिनेटर चरणमा काठमाडौँ गोर्खाजलाई ४ विकेटले पराजित गर्दै अगाडि बढेको हो।

लिग चरणमा लुम्बिनीले विराटनगरलाई ५ विकेटले हराएको थियो, त्यसैले आजको खेल दुवै टिमका लागि चुनौतीपूर्ण रहेको छ। आज जित्ने टिम फाइनलमा प्रवेश गर्नेछ र फाइनल खेल २७ मंसिरमा सुदूरपश्चिम रोयल्ससँग हुनेछ।