सुनको मुल्यमा गिरावट

काठमाडौं ,१९ माघ । पछिल्ला तीन दिनयता लगातार सुनको मूल्य घट्दै आएको छ। हालसम्मकै उच्च ३ लाख ३९ हजार ३०० रुपैयाँ प्रतितोला पुगेको सुनको मूल्य सोमबार पनि घटेको छ।

सुनचाँदी व्यवसायी महासंघका अनुसार सोमबार सुन प्रतितोला १३ हजार ४ सय रुपैयाँले घटेर २ लाख ८६ हजार ६ सय रुपैयाँमा कारोबार भइरहेको छ। बिहीबारयता सुनको मूल्यमा प्रतितोला ५२ हजार ७ सय रुपैयाँको गिरावट आइसकेको छ।

यस्तै, सोमबार चाँदीको मूल्य पनि घटेको छ। यस दिन चाँदी प्रतितोला ५ हजार २ सय रुपैयाँमा कारोबार भएको छ। आइतबार चाँदीको मूल्य प्रतितोला ५ हजार ५ सय रुपैयाँ थियो।