दाङ २८ फाल्गुन । तुलसीपुरमा इन्स्योरको सिकाइ अनुभव आदानप्रदान कार्यक्रम भएको छ। इन्स्योर  परियोजना सञ्चालन भएको माध्यमिक विद्यालय तुल्सीपुर सेन्टरसँग आबद्ध भएका प्रशिक्षार्थी  र  उद्योगी ब्यबसयि र विद्यालय बीच  सिकाइ अनुभव आदानप्रदान कार्यक्रम गरिएको हो ।
२४ महिने निःशुल्क इन्स्योर  परियोजना कार्यक्रममा सहभागी प्रशिक्षार्थीहरू र उनीहरूलाई विभिन्न उद्योग व्यवसायका प्रतिनिधिहरूबीच सिकाई अनुभव आदानप्रदान समस्यस, उपलब्धि , आबश्यक्ताको सिकाइ अनुभब आदान प्रदान गरिएको छ ।

इन्स्योर  परियोजना लुम्बिनीका प्राबिधिक संयोजक  राजकुमार सेती महतको अध्यक्षतामा भएको कार्यक्रममा माध्यमिक विद्यालय तुलसीपुरका प्रधानाध्यापक भागवत पौडेलले इन्स्योरको शिक्षाले  विद्यार्थीहरूको सीप, दक्षता,क्षमता अभिवृद्धि तथा रोजगार सिर्जना गर्ने बताए । उनले यो गोल्डेन अपर्चुनिटी भएको हुँदा यसलाई पूर्णरुपमा प्रशिक्षार्थीहरुले सदुपयोग गर्नुपर्ने बताए । शैक्षिक सत्र २०८/०८१ का दुई संकायमा विद्यार्थीहरुलाई इन्स्योरले सीप सिकाइरहेको छ इलेक्ट्रिक र आइटी संकायका विद्यार्थीहरूले यो सीप सिकिरहेको र अहिले प्रशिक्षार्थी लागिका रुप्मस विभिन्न निकायहरूमा प्रयोगात्मक गरिरहेको समेत जानकारी गराइएको थियो। ज्ञान र सीपसँगै उद्यमशीलता स्थापना गर्ने उद्देश्यले यो कार्यक्रम विद्यालयमा सञ्चालन गरिएको प्रधानाध्यापक पौडेलले जानकारी दिए।

इन्स्योरका लुम्बिनी प्रदेश प्राविधिक संयोजक राजकुमार सेतीमहरले  कार्यक्रमको विषयवस्तु बारेमा जानकारी गराएका थिए । उन्ले त्यसको प्रक्रिया र अवस्थाको बारेमा समेत जानकारी गराएका थिए। कार्यक्रममा तुलसीपुर उद्योग वाणिज्य संघका उपाध्यक्ष नरेशकुमार राजभण्डारीले यस्ता कार्यक्रमहरूले उद्योग र व्यवसायमा नयाँ आयमा ल्याउने बताए उनले विद्यार्थीहरूको सिपलाई उद्योगले र व्यवसायले जोड्न सकेमा  झन् फराकिलो र व्यवस्थित रहने समेत विश्वास व्यक्त गरे ।  प्रशिक्षार्थीका रूपमा उद्योगहरूमा जाने विद्यार्थीहरूलाई न्यूनतम पारिश्रमिक उपलब्ध गराई उनीहरूलाई पेशा सीप र व्यवसायमा उत्प्रेणा  थप्नुपर्ने उनले बताए ।

कार्यक्रममा सहभागी प्रशिक्षार्थीहरूले  विभिन्न समस्याहरू रहेको र उपलब्धिहरु पनि प्रशस्त रहेको बताएका थिए। उनीहरुले निःशुल्क रुपमा आठ घण्टा काम गर्नुपर्दा केही समस्या रहेकोले थोरै भएपनि पारिश्रमिकको व्यवस्थापन गर्न सुझाएका थिए ।  अपेक्षा अनुसार आफूहरुले सिप सिकिरहेको र व्यवसाय र व्यवसायीहरूले केही महत्त्व दिन सके अझ आफ्नो सिप र क्षमताको विकास हुने बताएका थिए।
माध्यमिक विद्यालय तुल्सीपुर सेन्टरका लेखापाल धर्मराज पौडेलले विद्यार्थी व्यवसाय र विद्यालय बीचको समन्वयबाट मात्रै सीप सिकेको सदुपयोग हुने र त्यसले आम क्षेत्रमा विकास गर्ने बताए उनले अनुशासन र व्यवसायिकतामा प्रशिक्षार्थीहरु पूर्ण रुपमा रहनुपर्ने समेत बताए ।

दाङ, २७ फागुन । दाङको तुलसीपुरमा रहेको राप्ती बबई क्याम्पसमा स्वतन्त्र बिद्यार्थी युनियनको निर्वाचन मा दुई प्यानल खडा भएका छन । नेपाल विद्यार्थी संघ र संयुक्त प्यानल प्रतिस्पर्धामा देखिएका हुन ।
सभापति पदका लागि भने चार जनाको उम्मेदवारी दर्ता गराएका छन । आगामी चैत ५ गते स्ववियु चुनावका लागि नेपाल बिद्यार्थी संघ, संयुक्त बिद्यार्थी युनियन र स्वतन्त्र रुपमा दुई जनाले उम्मेदवारी दिएका हुन । नेपाली काँग्रेसको भातृ संगठन नेबिसंघबाट प्रमोद भण्डारीको नेतृत्वमा उम्मेदवारी परेको छ ।

संयुक्त बिद्यार्थी प्यानलको तर्फ बाट सभापतिमा लेखमणी खत्री (लक्ष्मण) को उम्मेदवारी परेको छ । लक्ष्मण पनि नेविसंघकै नेता हुन । टिकट नपाएपछि असन्तुष्ट बनेका उनले आँफु नेतृत्वमा बिभिन्न विद्यार्थी संगठनलाई समेटर संयुक्त प्यानल खडा गरि उम्मेदवारी दिएका छन् ।
त्यस्तै स्वतन्त्र रुपमा दुई जनाले सभापति पदमा उम्मेदवारी दिएका छन् । कृष्ण केसी (डेभिड खत्री) र कोमलबहादुर वली (केबी)ले स्वतन्त्र रुपमा उम्मेदवारी दिएका छन् ।
स्वतन्त्र तर्फका अर्का उम्मेदवार निरज बस्यालको आवश्यक प्रमाणपत्र नपुगेका कारण उनको उम्मेदवारी भने निर्वाचन समितिले खारेज गरि दिएको स्ववियु निर्वाचन समितिका उपप्रमुख सुर्य शर्माले बताए ।सचिव पदमा नेविसंघबाट टोपबहादुर वली, संयुक्त बिद्यार्थी प्यानलबाट सोनिया थापा, स्वतन्त्रवाट संकिता डाँगीले उम्मेदवारी दिएका छन् ।
त्यस्तै कोषाध्यक्ष पदमा नेविसंघबाट शिक्षा नेपाली, संयुक्त बिद्यार्थी प्यानलबाट तिलकराज डाँगी र स्वतन्त्रबाट आसिक मियाँ उम्मेदवार छन् ।
नेविसंघका प्रत्यक्ष तर्फका सददस्य पदका उम्मेदवार
१ – मनिषा चौधरी
२– रुपेश चौधरी
३– यामकुमारी भण्डारी
४– सञ्जिब चौधरी
५– प्रशान्त खनाल
६– ममता वली
७– करुणा नेपाली
८– लक्ष्मण वली
नेविसंघका प्रत्यक्ष तर्फका दुई जना सदस्य निर्विरोध निर्वाचित भएका छन् ।
नेविसंघका समानुपातिक तर्फका उम्मेदवार
१– नबिन खड्का
२– अभिषेक कुसुन्डा
३– सुभाश केसी
४– जानकीकुमारी भुसाल
५– सन्तोष खड्का
६– प्रिया सेन
७– निश्चलसिंह बिष्ट
८– सुस्मिता केसी
९– अर्जुन भट्टराई
१०– रेशम खड्का
११– सुजल आचार्य
१२– चन्द्रप्रकाश केसी
१३– विकास न्यौंपाने
१४– भविष चौलागाँई
१५– सुगम केसी
संयुक्त बिद्यार्थी प्यानलका प्रत्यक्ष तर्फका सदस्य पदका उम्मेदवार
१ – नेबबहादुर भण्डारी (नबीन)
२– कबि सेन
३– प्रेम केसी
४– दिलिप शर्मा (दीपक)
५– अनिता खड्का
६– तुलसीराम भण्डारी
संयुक्त बिद्यार्थी प्यानलका समानुपातिक तर्फका उम्मेदवार
१– हेमन्त प्रकाश वली
२– मनोज रावत
३– भद्रबहादुर खत्री (भुपेस)
४– पूर्णिमा बस्नेत (सपना)
५– जर्नादन वली
६– देवबहादुर वली
७– प्रमोद नेपाली
८– कमल कँडेल
९– संकल्प बस्नेत
१०– सुरजकुमार बुढाथोकी
११– राजु बिक
१२– सुमन भण्डारी
१३– ओदबहादुर भण्डारी
संयुक्त बिद्यार्थी प्यानलबाट समानुपातिक तर्फपनि जम्मा १३ जना मात्रै उम्मेदवार प्रस्तुत गरेको हुँदा यसमा पनि नेविसंघलाई स्वतह लाभ हुने देखिएको छ ।

दाङ, २७ फागुन ।
स्वतन्त्र विद्यार्थी युनियन (स्ववियु) निर्वाचनका लागि आज उम्मेदवारहरूको मनोनयन दर्ता सम्पन्न भएको छ। त्रिभुवन विश्वविद्यालयको कार्यतालिका अनुसार, फागुन २७ गते बिहान ११ बजेदेखि दिउँसो २ बजेसम्म प्रत्यक्ष तथा समानुपातिक तर्फका उम्मेदवारहरूले मनोनयन पत्र दर्ता गरेका हुन्।

यसअघि, फागुन २६ गते उम्मेदवारहरूको लागि मनोनयन पत्र वितरण गरिएको थियो। निर्वाचन समितिले उम्मेदवारहरूको प्रारम्भिक नामावली प्रकाशन गरेको छ । फागुन २८ गते उम्मेदवारविरुद्ध दाबी विरोध तथा छानबिन गरी अन्तिम नामावली प्रकाशन गरिनेछ। फागुन २९ गते उम्मेदवारी फिर्ता लिने समय तोकिएको छ।

स्ववियु निर्वाचन चैत ५ गते बिहान ८ बजेदेखि दिउँसो ४ बजेसम्म देशभरिका त्रिविका ६२ आङ्गिक र एक हजार ४० सम्बन्धन प्राप्त क्याम्पसमा सञ्चालन हुनेछ। यसपटकको निर्वाचनमा २८ वर्षे उमेर हद र मिश्रित निर्वाचन प्रणाली लागू गरिएको छ।

काठमाडौं ,२१ फागुन । काठमाडौं विश्वविद्यालय (केयू)ले विश्वभरका विद्यार्थीलाई क्रेडिट ट्रान्सफरमार्फत शैक्षिक कार्यक्रम पूरा गर्न दिने भएको छ ।

विभिन्न कारणले विदेशी विश्वविद्यालयमा अध्ययन पूरा गर्न नसकेका विद्यार्थीलाई लक्षित गरी यस्तो निर्णय गरिएको केयूले जनाएको छ ।

विद्यमान क्रेडिट अकुमुलेसन फ्रेमवर्क भित्र रहेर अध्यापन गराइने केयूका प्रवक्ता एक्कुमाया पुनले जानकारी दिइन् ।

क्रेडिट ट्रन्सफरका निम्ति केयूले आशयपत्रका लागि आह्वान गरेको छ।

दाङ,११ फागुन ।विष्णु प्रशाद शर्मा घिमिरेको स्मृति तथा रोटरी डेको अवसरमा आयोजित रोटरी हाजिरी जवाफ प्रतियोगिता घोराहीमा सफलतापूर्वक सम्पन्न भएको छ।

प्रतियोगितामा गुरुकुल एकेडेमी प्रथम स्थान हासिल गर्दै उत्कृष्ट प्रदर्शन गरेको छ। दोस्रो स्थान मेचिकाली विद्यालय तथा तेस्रो स्थान जनज्योति विद्या मन्दिर ले प्राप्त गरे। गुरुकुल एकेडेमीले विभिन्न प्रतिस्पर्धाहरूमा सहभागिता जनाउँदै आफ्नो शैक्षिक उत्कृष्टता सावित गर्दै आएको छ।

कार्यक्रमका प्रमुख अतिथि घोराही उपमहानगरपालिका वडा नं. १५ का अध्यक्ष रमेश कुमार पान्डेले सहभागीहरूलाई शुभकामना व्यक्त गर्दै यस किसिमका प्रतियोगिताले विद्यार्थीहरूको बौद्धिक क्षमतामा सकारात्मक प्रभाव पार्ने उल्लेख गरे।

कार्यक्रममा शिक्षक निशान्त आचार्य, पद्मोदय पब्लिक माध्यमिक विद्यालयका प्रधानाध्यापक लोक बहादुर बस्नेत, तथा नेपाल शिक्षक संघ दाङका अध्यक्ष प्रकाश डाँगी ले मन्तव्य राख्दै रोटरी क्लबको यस पहलको प्रशंसा गरे। उनिहरुले विद्यार्थीहरूलाई निरन्तर अध्ययन तथा ज्ञान विकासमा लागिरहन आग्रह गरे ।

रोटरी क्लब दाङका अध्यक्ष प्रदिप शुबेदीको अध्यक्षता मा सम्पन्न उक्त कार्यक्रममा रोशन दाहाल ले सहजिकरण गरेका थिए। प्रतियोगितामा उत्कृष्ट स्थान हासिल गर्ने विद्यार्थीहरूलाई नगद पुरस्कार, ट्रफी तथा प्रमाणपत्र प्रदान गरी सम्मान गरियो।

जाजरकोट,११ फागुन। भूकम्प प्रभावित क्षेत्र जाजरकोटमा ११ वटा विद्यालय भवन निर्माण गरिने भएको छ। शिक्षा, विज्ञान तथा प्रविधि मन्त्रालयको समन्वयमा जापान सरकार र तत्कालीन पुनर्निर्माण परियोजना (जाइका) को सहयोगमा भेरी नगरपालिका र नलगाड नगरपालिकाका भूकम्पले जीर्ण बनेका विद्यालय भवन पुनर्निर्माण गरिनेछ।

गत वर्ष कात्तिक १७ गते जाजरकोटको बारेकोट गाउँपालिका–१, रामीडाँडा केन्द्रविन्दु भएर गएको भूकम्पले विद्यालय भवनहरूमा ठूलो क्षति पु¥याएको थियो। त्यसयता विद्यार्थीहरू खुला आकाशमुनि अध्ययन गर्न बाध्य भएका थिए। भौतिक संरचनाको अभावले गुणस्तरीय शिक्षामा असर परेपछि भूकम्प प्रतिरोधी भवन निर्माण गरिने निर्णय गरिएको हो।

भेरी नगरपालिका र नलगाड नगरपालिकाका ११ वटा विद्यालयहरूको भौतिक संरचना निर्माणका लागि ३७ करोडभन्दा बढी बजेट विनियोजन गरिएको छ। सुविधासम्पन्न र गुणस्तरीय भवन निर्माण गरिने जानकारी तत्कालीन पुनर्निर्माण परियोजना (जाइका) नेपालका इन्जिनियर विनोद केसीले जानकारी दिए।

भेरी नगरपालिका–१३ स्थित भगवती माध्यमिक विद्यालयमा जापान सरकारको सहयोगमा नौ कोठे भवनसहित शौचालय तथा फर्निचर निर्माण गर्न तीन करोड १२ लाख ८९ हजार रुपियाँको सम्झौता गरिएको छ। निर्माण कार्य २०८३ साउन ४ गते सम्पन्न गरिनेछ। भेरी नगरपालिका र नलगाड नगरपालिकामा १२ कोठे, नौकोठे, छकोठे तथा चारकोठे बालमैत्री र लैङ्गिकमैत्री भवन निर्माण गरिनेछ।

नेपाल सरकार शिक्षा, विज्ञान तथा प्रविधि मन्त्रालयसँगको सहकार्यमा जापान सरकारको आर्थिक सहयोगमा तत्कालीन पुनर्निर्माण परियोजना (जाइका) का नेपाल निर्देशक मास्तुकी बिज्जुकीले शिलान्यास गरेका हुन् । उनले भूकम्पबाट जीर्ण भएका विद्यालय भवन पुनर्निर्माण गरिनु विद्यार्थीहरूको शिक्षामा सहयोगी हुने बताए ।

शिक्षा, विज्ञान तथा प्रविधि मन्त्रालयका सहसचिव जीवन भण्डारीका अनुसार भवन अभावकै कारण शिक्षाको गुणस्तरमा असर परेको छ। नयाँ भवन निर्माणपछि आर्थिक रूपमा कमजोर विद्यार्थीहरूले पनि गुणस्तरीय शिक्षा पाउने अपेक्षा गरिएको छ। भूकम्प प्रतिरोधी भवन आपत्कालीन समयमा सर्वसाधारणका लागि सुरक्षित आश्रयस्थलका रूपमा प्रयोग गर्न सकिने पनि बताइएको छ।निर्माण कार्य १८ महिनाभित्र सम्पन्न गरिनेछ बताइएको छ।

दाङ,९ फागुन । निजी तथा आवासीय विद्यालय अर्गनाइजेसन नेपाल (प्याब्सन ) दाङकाे आयाेजनामा एकदिने नेपाली भाषा प्रशिक्षण कार्यशाला सम्पन्न भएकाे छ । शुक्रबार दाङकाे घाेराहीमा एक कार्यक्रमका बिच एकदिने नेपाली भाषा प्रशिक्षण कार्यशाला सम्पन्न भएकाे हाे

प्याब्सन दाङका अध्यक्ष निर्मल न्याैपानेकाे अध्यक्षता तथा प्याब्सनका केन्द्रीय सचिव यादव गिरीकाे प्रमुख आतिथ्यमा कार्यक्रम सम्पन्न भएकाे थियाे ।

कार्यक्रममा विश्वास पौडेलले प्रशिक्षण दिएका थिए । कक्षा ३ देखि १० सम्मकाे नेपाली विषय शिक्षण तथा प्रश्न निर्माण सम्बन्धि प्रशिक्षण दिइएकाे थियाे ।

कार्यक्रमका सहभागीका तर्फबाट पशुपति विद्याश्रमका नारायण नेपाल र सिर्जना बालबाटिका माविका पद्मा पाैडेलले पृष्ठपाेषण मन्तव्य राखेका थिए । कार्यक्रममा गाेल्डेन बुक्स पब्लिकेसन्सले सहकार्य गरेकाे थियाे ।

प्याब्सन दाङका बरिष्ठ उपाध्यक्ष विरेन्द्र चन्दले कार्यक्रममा स्वागत मन्तव्य राखेका थिए । प्याब्सन दाङका तालिम तथा अनुसन्धान विभागका संयाेजक चक्रबहादुर रावतले धन्यवाद मन्तव्य राखेका थिए भने सहसचिव कृष्णप्रसाद पाेख्रलले कार्यक्रमकाे सहजीकरण गरेका थिए ।

दाङ,८ फागुन । दाङको तुलसीपुर उपमहानगरपालिका वडा नंं.६ मा रहेको ज्ञान ज्योति फाउन्डेशन द्वारा सञ्चालित ज्ञान ज्योति माध्यमिक विद्यालयमा कानुन संकायमा अध्ययनरत विद्यार्थीका साथै ज्ञानदिप कलेज, ज्ञान ज्योति फाउन्डेसनका विभिन्न संकायका अध्ययनरत विद्यार्थीहरूले न्यायको माग गर्दै सडक र्याली गरेका छन् ।

भारतको ओडिसामा रहेकाे कलिंगा इन्स्टिच्यूट अफ इन्डिस्ट्रियल टेक्नोलोजी (केआईआईटि) को छात्राबासमा मृत भेटिएकी नेपाली विद्यार्थी प्रकृति लम्सालको न्यायको माग गर्दै शान्तिपूर्ण र्‍याली र काेणसभा गरेका छन ।

ज्ञान ज्योतिको प्राङ्गणबाट सुरु भएको र्‍याली तुल्सीपुर बजार परिक्रमा गरी बी.पी.चोकमा पुगेर कोणसभामा परिणत भएको थियो । विद्यार्थी एकता जिन्दाबाद, प्रकृतिलाई न्याय दे, न्याय खोज्न जाँदा कुटाई खाइयो पढ्न जाँदा पासोमा झुन्ड्याइयो, नेपाली विद्यार्थीमाथिको दमन बन्द गर, नाे मोर साइलेन्स, प्रकृति इज वान अफ अस लगायत लेखिएका पर्चा पम्प्लेट र ब्यानर समाएर विद्यार्थीहरूले शान्तिपूर्ण र्‍याली गरेको थिए ।

ज्ञान ज्योति माध्यमिक विद्यालयका भाइस प्रिन्सिपल मनोज कुमार केसीको अध्यक्षता तथा नागरिक समाज दाङका पूर्व संयोजक, नागरिक अगुवा तथा वरिष्ठ पत्रकार टिकाराम रेग्मीको प्रमुख आतिथ्यतामा कार्यक्रम सम्पन्न भएको थियो ।

कार्यक्रममा प्रमुख बक्ता रेग्मीले यो आन्दोलन देशब्यापी हुनुपर्ने बताए । भारतीय सरकारले सत्यतथ्य छानबिन गरी प्रकृति लम्सालको परिवारलाई न्याय दिनुपर्ने बताए । नेपाली विद्यार्थी हरूले न्यायको माग गर्दा उल्टै दुर्व्यवहार गरेको भन्दै राज्यले कूटनीतिक माध्यमबाट यसको सहजीकरण गर्नुपर्ने बताए ।

कार्यक्रममा बोल्दै पत्रकार दीपक बोहराले विद्यार्थीले गरेको शान्तिपूर्ण र्‍यालीले राज्यलाई खबरदारी गर्ने बताए ।

त्यस अवसरमा विद्यार्थी बविता भण्डारीले लाखौं खर्च गरेर उज्ज्वल भविष्यका लागि बाहिरी देश पढ्न जानु पर्ने अबस्था रहेपनि त्यहाँ पनि सुरक्षित हुन नसकेको भन्दै दोषीलाई कडाभन्दा कडा कारवाही गर्नुपर्ने माग गरिन् । विद्यार्थीहरू ईशा ओली, रविन भण्डारी लगायतले राज्यसग न्यायकाे माग गरेका थिय ।

कार्यक्रममा कलेजका शैक्षिक संयोजक शरद गौतमले धन्यवाद ज्ञापन गरेका भने कार्यक्रमको सहजीकरण शिक्षक सन्तोष केसीले गरेका थिए ।

दाङ, ७ फागुन । निजी तथा आवासीय विद्यालय अर्गनाइजेसन नेपाल (प्याब्सन ) तुलसीपुरको आयोजनामा तेस्रो प्याब्सन छात्र फुटबल तथा दोस्रो प्याब्सन छात्रा एथलेटिक्स प्रतियोगिता सुरू भएको छ । आज दाङको बेलझुण्डीमा एक कार्यक्रमका बिच तेस्रो प्याब्सन छात्र फुटबल तथा दोस्रो प्याब्सन छात्रा एथलेटिक्स प्रतियोगिता सुरू भएको हो ।

कार्यक्रममा बोल्दै प्रमुख प्याब्सन दाङका अध्यक्ष तथा प्रमुख अतिथि निर्मल न्यौपानेले खेललाई शिक्षासँग जोड्ने प्याब्सनको अभियान अन्तरगत खेलकुद कार्यक्रमलाई अगाडि बढाइएको बताए । ञस्वास्थ्यका लागि खेलकुद आवश्यक छ ।

अब खेलकुदलाई शिक्षासँग पनि जोड्न आवश्यक छ । राष्ट्रिय पाठ्यक्रमको अवधारणाले शिक्षासँग खेलकुदलाई जोडेको छ । यसै अन्तरगत प्याब्सनले विभिन्न खेलकुदसँग बालबालिकालाई जोड्दै लगेको छ ।झ न्यौपालेले बताए ।

कार्यक्रमका विशिष्ट अतिथि तथा नेपाल शिक्षक महासंघ तुलसीपुरका अध्यक्ष जितबहादुर थापा, अप्टिमिस्ट क्लब अफ तुलसीपुरका अध्यक्ष एकराज भण्डारी, जिल्ला खेलकुद विकास समितिका कार्यालय प्रमुख राकेश परियार, प्याब्सन तुलसीपुरका सल्लाहकार मानबहादुर बस्नेत लगायतले शुभकामना मन्तव्य राखेका थिए ।

प्रतियोगितामा ३४ वटा विद्यालय सहभागी रहेका छन् । फुटबलमा ३४ वटा समूहबिच प्रतिस्पर्धा रहने छ । त्यस्तै छात्रा एथलेटिक्समा १००, २००, ४०० र ८०० मिटरको दा‌‌ैड, ४×१०० मिटरको रिले दौड तथा लङ जम्प लगायतका खेल रहेका छन् । प्रतियोगिता ७,८,९ र १० गतेसम्म सञ्चालन हुने आयोजकले जनाएको छ ।
उद्घाटन समारोहमा मार्चपास समेत गरिएको थियो ।

मार्चपासमा बाल अमृत इङलिस बोर्डिङ स्कुल प्रथम, सप्तरङ्गी इङलिस बोर्डिङ स्कुल द्वतीय तथा ज्ञानोदय इङलिस बोर्डिङ स्कुल तृतीय भएका थिए । साथै उत्कृष्ट पिटी प्रदर्शनमा आइडियल बोर्डिङ स्कुलले उपाधि जितेको छ ।

प्याब्सन तुलसीपुर नगर कमिटीका अध्यक्ष डम्बर डाँगीको अध्यक्षता भएको कार्यक्रममा उपाध्यक्ष विष्णु योगीले स्वागत मन्तव्य राखेका थिए भने कार्यक्रमको सहजीकरण सचिव कमल सापकोटाले गरेका थिए ।

दाङ,७ फागुन । तुलसीपुर नगर जेसीजले ७५ औँ राष्ट्रिय प्रजातन्त्र दिवसको अवसरमा वक्तृत्वकला प्रतियोगिता सम्पन्न गरेको छ।

बुधबार आयोजित कार्यक्रममा “प्रजातन्त्र सुदृढीकरणमा युवाको भूमिका” विषयक अन्तरविद्यालय स्तरीय वक्तृत्वकला प्रतियोगिता सम्पन्न भएको हो।

प्रतियोगितामा ज्ञानज्योति माविका विनोद केसी प्रथम भएका छन्। यस्तै, गोर्खा माविका सन्दिप ओली द्वितीय, तुलसी आवासीय माविका लक्ष्मी हमाल तृतीय, तथा अश्वरा माविका पुजा केसी सान्त्वना स्थान हासिल गरेका छन्।

प्रतियोगितामा तुलसीपुर क्षेत्रका १३ संस्थागत तथा सामुदायिक विद्यालयका विद्यार्थीहरू सहभागी भएका थिए।

जेसीज वर्ष २०२५ का अध्यक्ष सन्दिप भुसालको अध्यक्षता तथा तुलसीपुर उपमहानगरपालिका वडा नं. ५ का वडा अध्यक्ष विरेन्द्र कुमार शाहको प्रमुख आतिथ्यतामा कार्यक्रम सम्पन्न भएको थियो।

कार्यक्रममा जेसीजका पूर्व अध्यक्ष झरेन्द्र खरेल, दिपेश भण्डारी, निर्वतमान अध्यक्ष पूर्ण बहादुर डाँगी, शालिकराम ओली, कार्यकारी उपाध्यक्ष केशवराज न्यौपाने, कोषाध्यक्ष शैलेन्द्र कुमार ओलीलगायतको उपस्थिति रहेको थियो।

कार्यक्रमको सहजीकरण महासचिव बुद्धिराज सापकोटाले गरेका थिए भने प्रवक्ता सागर न्यौपानेले कार्यक्रमबारे जानकारी दिएका हुन्।