खोलामा जिप खस्दा ५ जनाको ज्यान गयो

जाजरकोट। जाजरकोटमा जीप दुर्घटना हुँदा ५ जनाको ज्यान गएको छ।

जाजरकोट सदरमुकाम खलंगादेखि जुनीचाँदे गाउँपालिकाको कार्यालय जाँदै गरेको भे १ ज ९३५ नम्बरको जीप बुधबार दुर्घटनामा परेको हो।

सडकदेखि करिब ५०० मिटर तल औलखोलामा जीप खसेको हो। घटनास्थलमा पुगेको प्रहरीका अनुसार एक जनाको शव निकालिएको छ, भने बाँकी ४ जनाको शव खोलामा देखिएको कर्णाली प्रदेश प्रहरी कार्यालयका प्रवक्ता प्रहरी वरिष्ठ उपरीक्षक राजेशनाथ बास्तोलाले बताए।

घटनाबारे यकिन विवरण नआइसकेको उनले बताए।