दाङमा एक किलो सुनसहित ३ जना पक्राउ

दाङ। दाङमा एक किलो सुनसहित ३ जना पक्राउ परेका छन् । दाङको लमही नगरपालिका–९ अमलिया बाट सुन सहित उनीहरुलाई पक्राउ गरिएको हो ।

घोराहीबाट नेपालगञ्ज लैजान लागेको गोप्य सूचनाको आधारमा गाडी चेकजाँच गर्दा जुत्ताभित्र लुकाएर ल्याएको अवस्थामा सुन बरामद गरेको दाङका प्रहरी प्रवक्ता तथा डीएसपी सुमित खड्काले जानकारी दिए ।

पक्राउ परेका तीनै जनालाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ ।