दाङ देखि रोल्पा जादै गरेको जिप दुर्घटना , जिप चालक सहित ३ जनाको ज्यान गयो

दाङको तुलसीपुरबाट रोल्पाको गंगादेव गाउपालिकाको लागि छुटेकाे लु १ ज २९११ नम्बरको जिप सल्यानको छत्रेश्वरी गाउँपालिका–४ दिवांगघारीकाे भिर नजिकै दुर्घटना भएको छ । दुर्घटनामा चालक सहित ३ जनाको ज्यान गएको जिल्ला प्रहरी कार्यालय सल्यानले जनाएको छ ।

दुर्घटनामा परि ज्यान गुमाउनेहरुमा गाडी चालक रोल्पा गंगादेव गाउँपालिका–७ निवासी ३५ वर्षीय भिम बहादुर वली, सोही ठाउँका १७ वर्षीय भिमराज बुढा र गंगादेव गाउँपालिका –५ निवासी ६५ वर्षीय गंज बहादुर बुढा रहेको जिल्ला प्रहरी कार्यालय सल्यानका प्रहरी प्रवक्ता प्रहरी निरीक्षक लक्ष्मण वलीले जानकारी दिए ।