तुलसीपुर क्षेत्रमा कोरोना संक्रमितको संख्या बढ्दै, आजमात्रै ४१ जनामा संक्रमण पुष्टि

दाङ। तुलसीपुर उपमहानगरपालिका क्षेत्रमा दिनहुँ जसो कोरोना संक्रमित बढ्न थालेका छन् ।

शुक्रवार मात्रै ४१ जना कोरोना संक्रमित थपिएको तुलसीपुर उपमहानगरपालिका कोभिड १९ फोकल पर्सन बिमल केसीले जानकारी दिनुभयो । संक्रमित हुनेमा २१ जना महिला र २० जना पुरुष गरी ४१ जना रहेका छन ।

फोकल पर्सन केसीका अनुसार तुलसीपुर वडा नम्वर १ मा १ जना, वडा नम्वर ३ मा १ जना, वडा नम्वर ५ मा ६ जना, वडा नम्वर ६ मा १५ जना, वडा नम्वर ७ मा ३ जना, वडा नम्वर ८ मा ३ जना, वडा नम्वर ९ मा २ जना, वडा नम्वर ११ मा २ जना, वडा नम्वर १२ मा २ जना, वडा नम्वर १५ र १६ का १/१ जनामा कोरोना पुष्टि भएको हो ।

यो संगै तुलसीपुरमा सकृय संक्रमितको संख्या १७५जना रहेका छन् ।