दाङमा झाडापखालाबाट एकै घरका दिदी बहिनीको ज्यान गयो

दाङ। दाङमा झाडापखालाबाट एकै घरका दिदी बहिनीको ज्यान गएको छ ।

शनिबार बेलुवा स्थानीय खोलाबाट ल्याएको माछा पकाएर खाएपछि झाडापखाला लागेका राजपुर गाउँपालिका वडा नं. ६ का प्रेम बुढाकि छोरी ११ बर्षिया रिता बुढा र १३ बर्षिया विनिता बुढाको ज्यान गएको हो ।

दिदीको आईतबार विहान २ बजेतिर र बहिनीको विहान ६ बजेतिर निधन भएको इलाका प्रहरी कार्यालय गढवाका प्रहरी निरीक्षक राजकुमार भट्टले जानकारी दिए । बिनिता दिदि र बहिनी रिता हुन । उनीहरुको उपचारको क्रममा निधन भएको र पोष्टमार्टमका लागि शव लमही अस्प्तालमा राखिएको छ ।