श्रीमानले गरे श्रीमतीको हत्या

दाङ , ७ माघ । दाङमा महिलाको हत्या भएको छ ।  तुलसीपुरमा उपमहानगरपालिका  ४ तल्लो हलवारकि ४२ वर्षीया लक्ष्मी चौधरीको हत्या भएको हो । चौधरीका श्रीमानले रड प्रहार गरि उनको हत्या गरिएको प्रहरीले बताएको छ ।  श्रीमान ४३ बर्षीय पेण्डुवा चौधरीले  शनिबार साँझ टाउकोमा फलामको रड प्रहार गरी लक्ष्मीको हत्या गरेको दाङ प्रहरीले बताएको छ । घटनाबारे गएराती साढे ९ बजे मात्रै प्रहरीलाई जानकारी आएको इलाकामा प्रहरी कार्यालय तुल्सीपुरका प्रमुख ठाकुरप्रसास पोख्रेलले बताए ।

प्रहरीका अनुसार श्रीमतीको हत्या पछि चौधरीले थप दुईजा गाउलेलाई समेत रड प्रहार गरेका छ्न । स्थानीय मिना थापा र शिला चौधरी घाइते भएका हुन । घाइते दुबै जनाको राप्ती प्रादेशिक अस्पताल तुलसीपुरमा उपचार भइरहेको र मृतकको शव पोष्टमार्टमका लागी प्रादेशिक अस्पतालको शव गृहमा राखिएको  छ । रड प्रहार गर्ने पेण्डुवालाई प्रहरीले नियन्णमा लिएर थप अनुसन्धान गरिरहेको  प्रहरीले जनाएको छ ।