नेपालगन्ज,१९ बैशाख। बाँके प्रहरीले चार सय पिस स्क्रीन टच मोबाइल डिस्प्ले बरामद गरेको छ। बसपार्कमा खटिएको प्रहरीले मोटरसाइकलमा रहेका शंकास्पद व्यक्तिको पिछा गर्दै जाँदा करिव ८ लाख मूल्यको स्क्रीन टच मोबाइल डिस्प्ले बरामद भएको बाँके प्रहरी प्रवक्ता डीएसपी नारायण डाँगीले जानकारी दिए ।
प्रहरीले पिछा गरेपछि मोटरसाइकलमा रहेका व्यक्ति बोरा फालेर भागेका थिए। सामान कसको हो भन्ने खुलेको छैन । सामान भारतबाट भन्सार छलेर ल्याएको प्रहरीले निष्कर्ष निकालेको छ। प्रहरी बरामद सामान नेपालगन्ज भन्सार कार्यालयमा पठाएको छ।
प्रतिक्रिया दिनुहोस