बदेलको आक्रमणबाट एकजना गम्भीर घाइते

दाङ,१९ भदौ। दाङमा बँदेलको आक्रमणबाट एक जना गम्भीर घाइते भएका छन् । बबई गाउँपालिका वडा नं। ७ मलईका ३५ बर्षिय रेशम बाँठा मगरलाई बँदेलले आक्रमण गरेर घाइते बनाएको हो ।

बारीमा मकै खान आएका बँदेल धपाउने क्रममा आक्रमण गरेको हो । बँदेलको आक्रमणबाट खुट्टा, हात, मुखमा चोट लागेको छ । घाइते मगरलाई राप्ती प्रादेशिक अस्पताल तुलसीपुर लगिएको छ ।

मलईमा बाँके राष्ट्रिय निकुञ्जका बँदेल बारीमा आएर मकै खाने गर्दछन् । बँदेलको आतङकबाट मलईबासीले सास्ती बेहार्नु परेको छ । बँदेलले बारीमा उत्पादन गरेका मकै नष्ट गर्ने गरेको बँदेल धपाउन खोज्दा हरेक बर्ष मानिसलाई आक्रमण गरेर घाइते पार्ने गरेको छ ।