प्रतियोगिताले खेलकुद क्षेत्रमा महत्वपूर्ण योगदान : अध्यक्ष भण्डारी

दाङ, २२ माघ । चेम्बर अफ कमर्सका अध्यक्ष ऋषिराज भण्डारीले वडा स्तरीय खेलकुद प्रतियोगिताहरुले खेलकुद क्षेत्रमा महत्वपूर्ण योगदान दिने बताएका छन ।

यस क्षेत्रको विकासका लागि खेलकुद प्रतियोगिताले महत्त्वपूर्ण भूमिका निर्णमान गर्ने उनले बताए ।
तुलसीपुर उपमहानगरपालिका वडा नं ६ को आयोजनामा तुलसीपुरमा संचालित अन्तर वडा स्तरीय खेलकुद प्रतियोगिताको सेमीफाइनल खेलमा प्रमुख अतिथिको रुपमा रहेका चेम्बर अफ कमर्सका अध्यक्ष भण्डारीले यस्तो बताएका हुन ।

उनले खेल क्षेत्रले मानवीय स्वास्थमा समेत सुधार ल्याउने भएकाले स्वास्थ्यका लागि समेत खेलकुद अनिवार्य भएको बताए ।

खेलकुदले यस क्षेत्रको विकास र प्रवर्धनमा टेवा पुर्याउने बताए । वडा अध्यक्ष दुजमान भण्डारीको अध्यक्षतामा भएको कार्यक्रमको सहजीकरण नानीमैया ओलीले गरेकी थिइन ।