काठमाडौं, २२ जेठ।। नेकपा (एस) का अध्यक्ष तथा पूर्वप्रधानमन्त्री माधव कुमार नेपालको सांसद पद स्वतः निलम्बनमा परेको छ। पतञ्जलीको नाममा गरिएको जग्गा सट्टापट्टा प्रकरणमा उनको विरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेसँगै उनको सांसद पद निलम्बनमा परेको हो।
पतञ्जली योगपीठ तथा आयुर्वेद कम्पनीले सरकारबाट हदबन्दी छुट पाएको जग्गा अपचलन गरेको अभियोगमा आयोगले आज विशेष अदालतमा मुद्दा दायर गरेको हो।
भ्रष्टाचार निवारण ऐन, २०५९ को दफा ३३ अनुसार सार्वजनिक पदमा रहेका व्यक्तिविरुद्ध भ्रष्टाचार मुद्दा दर्ता भएपछिको अवधिमा मुद्दाको किनारा नलागेसम्म ती पदाधिकारीको पद स्वतः निलम्बन हुने व्यवस्था छ।
प्रतिक्रिया दिनुहोस