काठमाडौं, २३ जेठ । नेपाली कांग्रेसका सभापति तथा पूर्वप्रधानमन्त्री शेरबहादुर देउवाले छिट्टै मधेश प्रदेशमा कांग्रेस नेतृत्वमा सरकार बन्ने बताएका छन्।
बिहीबार जनकपुरधामस्थित पार्टीको मधेश प्रदेश कार्यालयमा पत्रकारहरूसँग कुरा गर्दै देउवाले आलोपालो सरकार गठनको सहमति अनुसार चाँडै सत्ता साझेदारहरूसँग छलफल हुने जानकारी दिए।
“आलोपालो सरकार बनाउने कुरा हो, अब छिट्टै त्यस विषयमा कुराकानी हुन्छ, कांग्रेस नेतृत्वमा सरकार बन्छ,” देउवाले भने।
उक्त अवसरमा कांग्रेसका नेताहरू विमलेन्द्र निधि, कृष्णप्रसाद सिटौला, महेन्द्र यादव, मधेश प्रदेश सभापति कृष्ण यादवलगायतको उपस्थिति थियो।
© 2024 Pradesh Kura. All rights reserved.
Powered By : Clock b Business Technology
प्रतिक्रिया दिनुहोस