देशभर १५ दिने पोषण लेखाजोखा अभियान सुरु

काठमाडौं, १६ वैशाख। “समयमै पहिचान, सही उपचार–कुपोषणमुक्त पुस्ताको आधार” भन्ने नारासहित देशभर पोषण लेखाजोखा अभियान सुरु भएको छ।

स्वास्थ्य तथा जनसङ्ख्या मन्त्रालयका अनुसार ६ देखि ५९ महिनासम्मका बालबालिकाको पोषण अवस्था पहिचान गर्न १५ दिने अभियान सञ्चालन गरिएको हो।

वैशाख १५ देखि सुरु भएको अभियान ७५३ वटै स्थानीय तहमा वैशाख ३० गतेसम्म सञ्चालन हुनेछ। प्रवक्ता डा. प्रकाश बुढाथोकीका अनुसार अभियानबाट कुपोषणको अवस्था पहिचान गरी लक्षित कार्यक्रम बनाउन आधार तयार हुनेछ।