काठमाडौ,१२ जेठ । इरानले फार्स प्रान्तको लामर्डस्थित खेलकुद हलमा भएको भनिएको क्षेप्यास्त्र आक्रमणलाई लिएर अमेरिकामाथि ‘घृणित युद्ध अपराध’ गरेको आरोप लगाएको छ।
इरानी पक्षका अनुसार उक्त आक्रमणमा २४ जना सर्वसाधारणको मृत्यु भएको छ भने १३० भन्दा बढी घाइते भएका छन्। मृतकमध्ये किशोर खेलाडी र बालबालिका पनि रहेको दाबी गरिएको छ।
इरानका विदेश मन्त्रालयका प्रवक्ता इस्माइल बाघाईले सामाजिक सञ्जालमार्फत आवासीय क्षेत्र र खेलकुद हललाई लक्षित गरी मिसाइल आक्रमण गरिएको बताएका छन्।
उनका अनुसार आक्रमणमा उन्नत क्षेप्यास्त्र प्रयोग गरिएको र विस्फोटपछि आसपासका क्षेत्रमा व्यापक क्षति पुगेको छ।
इरानले घटनालाई योजनाबद्ध आक्रमण भन्दै ‘गणना गरिएको युद्ध अपराध’को संज्ञा दिएको छ र अन्तर्राष्ट्रिय कानुनअनुसार छानबिन तथा कारबाहीको माग गरेको छ।
इरानी दाबीअनुसार आक्रमण फेब्रुअरी २८, २०२६ मा भएको हो। तर, यसबारे अमेरिकी पक्षबाट औपचारिक प्रतिक्रिया आएको छैन।
प्रतिक्रिया दिनुहोस