पाष्टर महतरा दम्पत्तीको महायज्ञमा सहयोग,भन्छन् -“मानवता भन्दा ठुलो धर्म छैन “

दाङ,१६ माघ । मानव सेवा आश्रमको आयोजनामा तुल्सीपुरमा संचालित महायज्ञमा समाजसेवी तथा चर्चका पास्टर महतरा दम्पत्तिले आर्थिक सहयोग गरेका छन् । तुलसीपुर उपमहानगरपालिका–६का टोप बहादुर महतरा र गिता महतराले २५ हजार १ सय ५ रुपैयाँ महायज्ञमा आर्थिक सहयोग गरेका हुन् ।
महतरा तुलसीपुरको दमारगाउँमा रहेको चर्चको पाष्टर हुन । महताराले हिन्दू धर्मा अनुसार सञ्चालित श्रीमद्भागवत सप्ताह ज्ञानविज्ञान महायज्ञमा पुगेर आर्थिक सहयोग गरेका हुन् ।

मानवीय सेवा सबैभन्दा ठुलो धर्म भएको भन्दै आफुले सक्दो सहयोग गरेको उनले बताए । धर्म र आस्था आ–आफ्नो हुने भएपनि असल कार्य गर्न कुनै जात, धर्म र समुदायले असर नगर्ने उनको भनाई छ । विगतका महायज्ञहरुमा पनि आर्थिक सहयोग गरेको बताउँदै उनले मानवता प्रवद्र्धनमा सबै एकजुट बन्न आग्रह समेत गरे ।

“मानवीय सेवा सबैभन्दा ठुलो धर्म हो, यसका जात,धर्म र आस्था भन्ने कुरा नै आउँदैन, मानव भएर जन्म लिएपछि मानवता जगाउनु पर्छ त्यो नै सबैभन्दा महत्वपूर्ण हुन्छ, उनले भने–“ हरेक जात धर्म समुदायका व्यक्तिहरु मानव समाज बचाउन एकजुट हुनुपर्छ ।”