दाङ १४ असार । दाङको तुलसीपुरमा इनारमा फसेका एकजनाको उद्धार गरिएको छ । इनार सफा गर्ने क्रममा फसेका तुलसीपुर उपमहानगरपालिका वडा नम्बर १५ का ५१ वर्षीय प्याउला थारुको उद्दार गरिएको हो ।
उनी तुलसीपुर उपमहानगरपालिका–१७ बनकट्टा स्थित छविलाल वलीको घरमा इनार सफा गर्ने भनेर इनारमा पसेका बेला फसेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिए।
प्रहरी थापाका अनुसार आज दिउँसो इनार सफा गर्ने क्रममा फसेको चौधरीको इलाका प्रहरी कार्यालय तुलसीपुरबाट खटिएको विपत व्यवस्थापनको १४ जनाको टोलीले उद्धार गरेको हो । उनको अहिले राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ ।।
प्रतिक्रिया दिनुहोस