काठमाडौँ,२३ साउन। बुधबार दाङसहित देशका ६५ जिल्ला बाढीको उच्च जोखिममा रहेको मौसम पूर्वानुमान महाशाखाले जनाएको छ।
आज बिहान महाशाखाले सार्वजनिक गरेको बुलेटिन अनुसार १५ जिल्लामा उच्च सतर्कता र ५० जिल्लामा सतर्कता अपनाउन अनुरोध गरेको छ।
दाङ बाँके, बर्दिया पर्वत बाग्लुङ, प्युठान, रुकुमपूर्व, रुकुमपश्चिम, जाजरकोट, सल्यान, सुर्खेत, दैलेख, अछाम, कालिकोट, जुम्ला, मुगु, हुम्ला र आसपासका जिल्ला भई बहने केही नदीमा पनि बहाव बढ्ने सम्भावना छ।
यसैगरी आज तेह्रथुम, धनकुटा, इलाम, मोरङ, सुनसरी, सप्तरी, भोजपुर, ओखलढुङ्गा, खोटाङ, काठमाडौँ, ललितपुर, भक्तपुर, उदयपुर, सिन्धुली, काभ्रेपलाञ्चोक, मकवानपुर, नुवाकोट, रसुवा, सर्लाही, रौतहट, बारा, पर्सा, चितवन, धादिङ, गोरखा, कास्की, लमजुङ, स्याङ्जा, नवलपरासी (बर्दघाट सुस्तापूर्व) नवलपरासी (बर्दघाट सुस्तापश्चिम), रुपन्देही, कपिलवस्तु जिल्लामा पनि सतर्कता अपनाउन आग्रह गरेको छ।
सचेत गराउँदै बाढी महाशाखाले अगाडि भनेको छ( नदी तटीय क्षेत्रमा सतर्कता अपनाउन हुन अनुरोध छ।
प्रतिक्रिया दिनुहोस