नख्खु जेलबाट भागेका कैदीले गरे श्रीमतीको हत्या

काठमाडौ,५ असोज । कारागारबाट भागेका एक कैदीले श्रीमतिको हत्या गरेका छन् । काभ्रे जिल्लाको पनौती नगरपालिका–१२ गागल बस्ने करीब ३६ वर्षीय सन्तबहादुर तामाङले आफ्नी ३० वर्षीय श्रीमती मनिषा घ्यावा तामाङको हत्या गरेको वडा अध्यक्ष जयराम केसीले जानकारी दिए ।

वडा अध्यष केसीका अनुसार सन्तबहादुर जेन्जी आन्दोलनका क्रममा नख्खु कारागारबाट भागेका थिए । उनी जवरजस्ती करणीमा जेल परेका थिए ।

इलाका प्रहरी कार्यालय बनेपाको टोली घटनास्थलमा पुग्दै गरेको र थप विवरण आउन बाँकी रहेको जिल्ला प्रहरी कार्यालय काभ्रेका प्रहरी उपरीक्षक कोमल शाहले जानकारी दिए ।

हत्यापछि तामाङ फरार छन् । प्रहरी घटनास्थल पुगेपछी थप जानकारी हुने प्रहरीले जनाएको छ ।