पद छाडेपनि राजनीति छाडेको छैनः डा. भट्टराई

काठमाडौ,९ असोज । पूर्वप्रधानमन्त्री डा. बाबुराम भट्टराईले आफु राजनीतिबाट पर नगएको बताएका छन् । बुधबार पार्टी अध्यक्षको पदबाट राजीनामा दिएका भट्टराईले पद छाडेपनि राजनीति नछाडेको स्पष्ट पारेका हुन् ।

डा. भट्टराईले बिहीबार पत्रकार सम्मेलन गर्दै भने, “म कुनै आन्दोलनबाट अलग भएको होइन। देशलाई विकल्प निर्माण गर्ने अभियानमा म हिजो पनि थिएँ, आज पनि छु र भोलि निरन्तर रहने छु।”

बुधबार मात्र उनले नेपाल समाजवादी पार्टी (नयाँ शक्ति) को अध्यक्ष पदबाट राजीनामा दिएका थिए। राजीनामा दिनुको मुख्य कारण नयाँ पुस्तालाई नेतृत्वको अवसर दिनु भएको उनले बताए।

साथै, डा. भट्टराईले नयाँ कार्यकारी प्रधानमन्त्रीको चुनाव हुनुपर्ने मागसमेत राखेका छन्।