सल्यान, ३१ असोज । सल्यानमा शनिबार ६ घण्टा विद्युत सेवा बन्द हुने भएको छ। रुखका हाँगा हटाउने र विद्युत संरचना मर्मतका कारण विद्युत सेवा बन्द हुने भएको हो।
नेपाल विद्युत प्राधिकरण सल्यान वितरण केन्द्रका अनुसार, शितलपाटी सबस्टेशन र बागचौर सबस्टेशन अन्तर्गतका सबै फिडरहरूमा बिहान ७ बजेदेखि दिउँसो १ बजेसम्म विद्युत आपूर्ति बन्द रहनेछ।
तुलसीपुर–शितलपाटी र शितलपाटी–थारमारे ३३ केभी प्रसारण लाइन वरिपरि रहेका रुखका हाँगा काट्नुपर्ने भएकाले उक्त अवधिमा विद्युत सेवा रोकिने बताइएको छ।
साथै, त्रिवेणी–५ सल्लेखोलास्थित ३३ केभी लाइन होचो भएकाले जोखिम न्यूनीकरणका लागि पोल थप्ने र अन्य आवश्यक मर्मत कार्य गर्ने योजना रहेको सल्यान वितरण केन्द्रका प्रमुख दिनेश पौडेलले जानकारी दिए।
उनका अनुसार, तोकिएको समयअघि नै काम सकिएमा वा मौसम प्रतिकूल भएमा परिस्थितिअनुसार लाइन पुनः सुचारु गरिनेछ।
प्रतिक्रिया दिनुहोस