काठमाडौ,३ मंसिर । बारामा असहज परिस्थिति सिर्जना भएपछि एमाले नेताहरू काठमाडौं फर्किएका छन्। बुधबार बिहान सिमरामा आयोजना गरिएको कार्यक्रममा सहभागी हुन महासचिव शंकर पोखरेल, नेता महेश बस्नेत र भानुभक्त ढकाललगायतका नेताहरू त्रिभुवन अन्तर्राष्ट्रिय विमानस्थलबाट सिमरातर्फ जान लागेका थिए।
तर उनीहरूको आगमनको जानकारी पाएपछि जेनजी युवाहरूले विमानस्थल परिसरमा प्रदर्शन गरेपछि स्थिति तनावग्रस्त बनेको थियो। अवस्था नियन्त्रण गर्न स्थानीय प्रशासनले सिमरा क्षेत्रमा कर्फ्यु आदेश जारी गरेसँगै विमानस्थल अस्थायी रूपमा बन्द गरिएको हो।
उडान रोकिएपछि आफूहरू फर्किएको एमाले नेता बस्नेतले बताएका छन्।
प्रतिक्रिया दिनुहोस