सल्यान ,४ मंसिर ।सल्यानमा भएको ट्याक्टर दुर्घटनामा एक युवकको ज्यान गएको छ। छत्रेश्वरी–६ गोदेका २५ वर्षीय ट्याक्टर चालक देवेन्द्र सिंह रावतको मृत्यु भएको जिल्ला प्रहरी कार्यालय सल्यानले जनाएको छ।
प्रहरीका अनुसार रा १ त २४३८ नम्बरको ट्याक्टर छत्रेश्वरी गाउँपालिका–५ लेखपोखराबाट लान्तीतर्फ जादै गर्दा बुधबार राति करीब सवा ८ बजे ढोरलाचौर नजिकै दुर्घटनामा परेको थियो।
अनियन्त्रित बनेर सडकबाट करीब १५ मिटर तल खसेको ट्याक्टरको पछाडिको टायरले च्यापिँदा चालक रावतको घटनास्थलमै मृत्यु भएको डीएसपी हेमबहादुर केसीले जानकारी दिए।
घटनापछि प्रहरी टोलीले अनुसन्धान अगाडि बढाइरहेको बताइएको छ। शव पोष्टमार्टमका लागि जिल्ला अस्पताल सल्यान पठाइएको जिल्ला प्रहरी कार्यालयले जनाएको छ।
प्रतिक्रिया दिनुहोस