सुनको मूल्य तोलामा २३ सय रुपैयाँले वृद्धि

काठमाडौं ,३ फागुन । नेपाली बजारमा आइतबार सुनको मूल्य बढेको छ। नेपाल सुनचाँदी व्यवसायी महासंघका अनुसार आज सुनको भाउ तोलामा २३ सय रुपैयाँले वृद्धि भएको हो।

महासंघले आजका लागि छापावाल सुनको मूल्य प्रतितोला तीन लाख पाँच हजार ८०० रुपैयाँ निर्धारण गरेको जनाएको छ। गत शुक्रबार भने सुन प्रतितोला तीन लाख तीन हजार ५०० रुपैयाँमा कारोबार भएको थियो।

यसैगरी चाँदीको मूल्य आज प्रतितोला चार हजार ९८५ रुपैयाँ तोकिएको छ। शुक्रबार चाँदी प्रतितोला पाँच हजार रुपैयाँमा कारोबार भएको थियो।