काठमाडौं, ९ फागुन । रौतहट जिल्लाको गौरमा दुई समुदायबीच झडप भएपछि जारी गरिएको अनिश्चितकालीन कर्फ्यु आदेश यथावत् रहेको छ। शनिबार दिउँसो १ बजेदेखि स्थानीय प्रशासनले गौर नगरपालिका क्षेत्रमा कर्फ्यु लगाएको हो।
झडपका क्रममा केही सवारीसाधनमा आगजनी भएको तथा केही व्यक्ति घाइते भएको प्रशासनले जनाएको छ। उच्छृंखल गतिविधिमा संलग्न रहेको आरोपमा हालसम्म २० जनालाई प्रहरीले पक्राउ गरेको सहायक प्रमुख जिल्ला अधिकारी जितेन्द्रकुमार यादवले जानकारी दिए।
कर्फ्यु आदेश जारी भएपछिसमेत केही स्थानमा छिटपुट आगजनीका घटना भए पनि अहिले स्थिति नियन्त्रणमा रहेको प्रशासनको भनाइ छ। प्रहरीले क्षेत्रमा सुरक्षा सतर्कता बढाएको जनाएको छ।
प्रतिक्रिया दिनुहोस