काठमाडौं,११ फागुन । बाजुरामा भुकम्प गएको छ। आइतबार राति १२ बजेर १३ मिनेटमा ३.९ म्याग्निच्युडको भूकम्प गएको हो ।
राष्ट्रिय भूकम्प मापन तथा अनुसन्धान केन्द्रका अनुसार भूकम्पको केन्द्रविन्दु बाजुराको रानीखर्क आसपास रहेको थियो।
केन्द्रका अनुसार उक्त भूकम्प सामान्य प्रकृतिको रहेको र क्षति पुर्याउने खालको नभएको जनाइएको छ। बेलाबखत साना परिमाणका भूकम्प जानु सामान्य प्रक्रिया भएको विज्ञहरूले बताएका छन्।
यसअघि आइतबार बिहान ७ः३१ बजे संखुवासभाको रितक आसपास केन्द्रविन्दु भएर ४.१ म्याग्निच्युडको भूकम्प मापन गरिएको थियो।
प्रतिक्रिया दिनुहोस