दाङ,१७ फागुन। अन्तर्राष्ट्रिय बजारमा पेट्रोलियम पदार्थको मूल्य वृद्धि भएको छ । तर नेपालमा भने पेट्रोलियम पदार्थको मूल्य यथावत् राखिएको नेपाल आयल निगमले जनाएको छ।
निगमले विज्ञप्ति जारी गर्दै उपभोक्तालाई थप भार नपरोस् भन्ने उद्देश्यले मूल्य समायोजन नगरेको स्पष्ट पारेको हो।
निगमका अनुसार पेट्रोलमा प्रतिलिटर २ रुपैयाँ ९ पैसा, डिजेलमा २ रुपैयाँ ४७ पैसा तथा खाना पकाउने ग्यासमा प्रतिसिलिन्डर १८ रुपैयाँ ५८ पैसा मूल्य बढेर आएको थियो।
हाल चारआली, विराटनगर, वीरगञ्ज, जनकपुर, अमलेखगञ्ज, भलवारी, नेपालगञ्ज र धनगढी क्षेत्रमा पेट्रोल प्रतिलिटर १५४ रुपैयाँ ५० पैसा तथा डिजेल र मट्टीतेल प्रतिलिटर १३९ रुपैयाँ ५० पैसा कायम रहेको छ।
त्यस्तै सुर्खेत र दाङ क्षेत्रमा पेट्रोल प्रतिलिटर १५६ रुपैयाँ तथा डिजेल र मट्टीतेल प्रतिलिटर १४१ रुपैयाँ रहेको छ। काठमाडौँ, पोखरा र दिपायल क्षेत्रमा पेट्रोल प्रतिलिटर १५७ रुपैयाँ तथा डिजेल र मट्टीतेल प्रतिलिटर १४२ रुपैयाँ कायम गरिएको निगमले जनाएको छ।
प्रतिक्रिया दिनुहोस