राष्ट्र बैंकले ४० अर्ब निक्षेप संकलन गर्दै

काठमाडौ,१६ वैशाख । नेपाल राष्ट्र बैंकले बुधबार ४० अर्ब रुपैयाँ निक्षेप संकलन गर्ने भएको छ। वित्तीय प्रणालीमा अधिक तरलता नियन्त्रण गर्न निक्षेप संकलन गर्ने गरेको छ ।

केन्द्रीय बैंकले बोलकबोलमार्फत निक्षेप खिच्न लागेको हो। यसमा ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन पाउनेछन्। हाल बैंकिङ प्रणालीमा निक्षेप ७८ खर्ब रुपैयाँभन्दा बढी पुगेपछि तरलता व्यवस्थापन गर्न यस्तो कदम चालिएको हो।

बोलकबोलमा सबैभन्दा कम ब्याजदर प्रस्ताव गर्ने संस्थालाई प्राथमिकता दिँदै रकम बाँडफाँट गरिनेछ। न्यूनतम १० करोड रुपैयाँबाट बोल गर्न पाइनेछ।

यस निक्षेप संकलन उपकरणको सावाँ र ब्याज २०८३ असार ३ गते भुक्तानी हुने जनाइएको छ।