सुनचाँदीको मूल्यमा गिरावट

दाङ,१६ वेशाख । नेपाली बजारमा आज सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार बुधबार सुनको मूल्य तोलामा ३ हजार रुपैयाँले घटेको हो।

मूल्य घटेसँगै सुन प्रतितोला २ लाख ९४ हजार ५०० रुपैयाँमा कारोबार भइरहेको छ। त्यस्तै चाँदीको मूल्य पनि तोलामा ३० रुपैयाँले घटेर ४ हजार ९१४ रुपैयाँ कायम भएको छ। अन्तर्राष्ट्रिय बजारको प्रभावका कारण स्थानीय बजारमा पनि मूल्य घटेको महासंघले जनाएको छ।