जलजला जिप दुर्घटना अपडेटः १७ जनाको मृत्यु

रोल्पा, १७ वैशाख । रोल्पामा जिप दुर्घटना हुँदा १७ जनाको मृत्यु भएको छ । रुकुमपूर्वबाट जलजलातर्फ जाँदै गरेको लु १ ज ४१६७ नम्बरको बोलेरो जिप कच्ची सडकबाट भिरमा करिब ८ सय मिटर तल खसेर दुर्घटनामा परेको हो।

जिल्ला प्रहरी कार्यालय रोल्पाका अनुसार हालसम्म १७ जनाको मृत्यु पुष्टि भएको छ भने अन्यको उद्धार कार्य जारी रहेको छ। दुर्घटना बिहीबार दिउँसो करिब २ः५० बजे सल्यापस्थित सडक खण्डमा भएको हो। वैशाख पूर्णिमाको अवसरमा जलजलामा लाग्ने मेलामा सहभागी हुन जाँदै गरेका यात्रुहरू बोकेको जिप दुर्घटनामा परेको प्रहरीले जनाएको छ।घटनाबारे थप विवरण आउन बाँकी रहेको छ।