चट्याङ लागेर एकजनाको मृत्यु

काठमाडौ,२१ वैशाख। चट्याङ लागेर बाजुरमा एक वृद्धको मृत्यु भएको छ । बाजुराको बूढीनन्दा नगरपालिका–३ डोगडावाडाका ७३ वर्षीय नैना बुढाको मृत्यु भएको जिल्ला प्रहरी कार्यालयले जनाएको छ। प्रहरी निरीक्षक तथा प्रवक्ता नरेशबहादुर शाहीका अनुसार उनी पशु चौपाया चराउन गएका बेला चट्याङ लागेर गम्भीर घाइते भएका थिए।

घाइते बुढालाई उपचारका लागि आधारभूत अस्पताल कोल्टीतर्फ लैजाँदै गर्दा बाटोमै मृत्यु भएको प्रहरीले जनाएको छ।