एकैदिन सुनमा प्रतितोला ५ हजार ८सय रुपैयाँ वृद्धि

दाङ,२३ वैशाख। बुधबार नेपाली बजारमा सुनचाँदीको मूल्य फेरि रूपमा बढेको छ। बुधबार सुनको मूल्य प्रतितोला ५ हजार ८०० रुपैयाँले उकालो लाग्दा चाँदी पनि १७५ रुपैयाँले महँगिएको छ।

नेपाल सुनचाँदी व्यवसायी महासंघका अनुसार बुधबार छापावाल सुनको मूल्य प्रतितोला २ लाख ९६ हजार ८०० रुपैयाँ कायम भएको छ। अघिल्लो दिन मंगलबार भने सुनको भाउ २ लाख ९१ हजार रुपैयाँमा कारोबार भएको थियो।

त्यसैगरी, चाँदीको मूल्य पनि बढेर प्रतितोला ५ हजार ५५ रुपैयाँ पुगेको महासंघले जनाएको छ। मंगलबार चाँदी प्रतितोला ४ हजार ८८० रुपैयाँमा खरिदबिक्री भएको थियो।

अन्तर्राष्ट्रिय बजारमा भइरहेको उतारचढावको प्रभावसँगै स्थानीय बजारमा सुनचाँदीको मूल्यमा निरन्तर परिवर्तन देखिँदै आएको छ।