नेपालमा कोरोना संक्रमितको संख्या १ लाख ५० हजार भन्दा बढी

काठमाण्डाै । गएको २४ घण्टामा ४ हजार ४ सय ९९ जनामा कोरोना पुष्टि भएसँगै सङ्क्रमितको सङ्ख्या १ लाख ५३ हजार ८ पुगेको स्वास्थ्य तथा जनसङ्ख्या मन्त्रालयले जनाएको छ ।

गएको २४ घण्टामा १६ हजार आठ सय ६३ जनाको पीसीआर परीक्षण गरिएको हो ।

यस्तै गएको २४ घण्टामा दुई हजार छ सय ६८ जना सङ्क्रमित कोरोना सङ्क्रमणमुक्त भएसँगै कोरोनाबाट निको हुनेको सङ्ख्या एक लाख पाँच हजार चार सय ८८ पुगेको छ ।

यस्तै गएको २४ घण्टामा १७ जनाको ज्यान गएसँगै कोरोनाबाट ज्यान गुमाउनेको सङ्ख्या ८ सय २९ पुगेको स्वास्थ्य मन्त्रालयले जनाएको छ ।