दाङमा गजल महफिल भब्य रुपले सम्पन्न

कपिल लामिछानेे

दाङ । गजल अभियान दाङको आयोजनामा आज दाङको घोराहीमा दोस्रो गजल महफिल २०७७ भब्य रुपले सम्पन्न भएको छ ।
पत्रकार महासंघ दाङको सभाहलमा भएको उक्त महफिलमा करिव १ सय जना भन्दा बढिको सहभागिता रहेको थियो । कार्यक्रममा दाङ,बर्दिया र सल्यानका गजलकारहरु प्रतिक संग्रामी, पुनम थापा, हरी प्रकाश भण्डारी र सृजना देवकोटाको बाचन रहेको थियो । महफिलमा प्रत्येक गजलकारहरुले ५/५ वटा गजलहरु बाचन गर्नुभएको थियो भने महफिलमा संगीतकार एवम् गायक गोबिन्द मधुर आचार्य र संगीतकार गायक प्रकाश रेग्मीको गजल गायन समेत भएको थियो ।
कार्यक्रममा माया पिरती, वर्तमान राजनितिक अबस्था, समसामयिक घटनाक्रमहरुलाइ गजलकारहरुले आफ्ना शब्दहरुमा पोख्नुभएको थियो ।
गजल अभियान दाङका अध्यक्ष प्रवल बिष्टको अध्यक्षता एवम राप्ती साहित्य परिषद दाङका बरिष्ठ उपाध्यक्ष टिकाराम उदासीको प्रमुख आथित्यमा भएको कार्यक्रम गजलकार बसन्त वली बसन्तीको स्वागत मन्तब्यबाट सुरु भएको थियो भने कार्यक्रमको सहजिकरण गजल अभियान दाङका सचिव प्रकाश केसीले गर्नुभएको थियो ।