प्रेस युनियनले पत्रकारिता तालिम गर्ने

दाङ,१३ माघ । नेपाल प्रेस युनियन दाङ शाखाले पत्रकारिता तालिम सञ्चालन गर्ने भएको छ । नेपाल प्रेस युनियन दाङ शाखाको शनिवार घोराहीमा बसेको बैठकले पत्रकारिता तालिम सञ्चालन गर्ने निर्णय गरेको हो ।

बैठकको निर्णय अनुसार प्रेस युनियनले यहि माघको १९ र २० गते बंगलाचुली गाउँपालिकामा आधारभुत तहको पत्रकारिता तालिम सञ्चालन गर्ने भएको छ । बैठकले तालिम संञ्चालनका लागि समन्वय गर्ने जिम्मा सचिव अमरक्षितिज भण्डारीलाई दिएको छ ।

बैठक नेपाल प्रेस युनियन दाङका कार्यवाहक अध्यक्ष किरण शाहको अध्यक्षतामा बसेको थियो । उपाध्यक्ष पार्वती बस्नेतको स्वागत मन्तव्यवाट सुरु भएको बैठकको सहजीकरण सचिव अमरक्षितिज भण्डारीले गरेका थिए ।