दाङ,१७ फागुन। मालपोत कार्यालय तुलसीपुर भोलि एक दिनका लागि बन्द रहने भएको छ।
आसन्न फागुन २१ गते हुने प्रतिनिधिसभा सदस्यको निर्वाचनका लागि आयोगले तोकेका विभिन्न मतदान केन्द्रमा कार्यालयका सम्पूर्ण कर्मचारी खटिनुपर्ने भएकाले सेवा प्रवाह स्थगित गरिने जनाइएको छ।
मालपोत अधिकृत खिमबहादुर खड्काद्वारा जारी सूचनामा सम्बन्धित सबै सेवाग्राहीलाई सो दिन कार्यालय बन्द रहने जानकारी गराएका हुन्।
यसका साथै नेपाल सरकारले घोषणा गरेका सार्वजनिक बिदाका दिनमा पनि कार्यालय बन्द रहने जानकारी सूचनामार्फत दिइएको छ।
प्रतिक्रिया दिनुहोस