बँदेल ठानेर गोली हान्दा किशोरको मृत्यु

दाङ,२ वैशाख । जंगलमा बँदेल ठानेर चलाइएको गोली लाग्दा एक किशोरको मृत्यु भएको छ। प्युठानको
गौमुखी गाउँपालिका–४ स्थित चुपाल सामुदायिक वनमा चैत २९ गते १९ वर्षीय सुशिल परियारमाथि गोली लागेको हो। उनको उपचारका क्रममा मृत्यु भएको प्रहरीले जनाएको छ।

घटनामा सँगै रहेकी १८ वर्षीया किशोरी घाइते भएकी छन्। उनको लुम्बिनी सिटी हस्पिटल मा उपचार भइरहेको छ र अवस्था खतरामुक्त रहेको जनाइएको छ।

प्रहरीका अनुसार २७ वर्षीय वीरेन्द्र केसीसहित ४ जना शिकार खेल्न जंगल गएका थिए। सो क्रममा जंगली जनावर ठानेर चलाइएको गोली लाग्दा घटना भएको प्रारम्भिक अनुसन्धानबाट खुलेको छ।