चुनाव प्रभावित गर्ने सामग्री प्रसारण नगर्न काउन्सिलको आग्रह

काठमाडौ,३ वैशाख। प्रेस काउन्सिल नेपालले चुनावलाई असर पार्ने र मतदातालाई दिग्भ्रमित गर्ने खालका सामग्री नप्रसारण गर्न सञ्चारमाध्यमलाई आग्रह गरेको छ।

हिजो बसेको काउन्सिल बैठकले चुनावजस्तो संवेदनशील विषयमा दल, उम्मेदवार र मतदान प्रक्रियामा असर पर्ने सामग्री, विश्लेषण तथा भ्रामक सूचना प्रकाशन–प्रसारण नगर्न सचेत गराएको हो।

बैठकले विदेशी सञ्चारमाध्यमबाट आउने चुनाव प्रभावित गर्ने सामग्रीबारे पनि चासो व्यक्त गरेको छ। विशेषगरी बिबिसी जस्ता माध्यमबाट प्रसारित सामग्री काउन्सिलको क्षेत्राधिकार बाहिर पर्ने भएकाले कूटनीतिक माध्यमबाट समाधान खोज्न नेपाल सरकार र निर्वाचन आयोग लाई पत्राचार गर्ने निर्णय गरिएको छ।