आज पनि बढ्यो सुनचाँदीको भाउ

दाङ,२५ वैशाख ।बजारमा आज पनि सुनचाँदीको भाउ बढेको छ। बिहीबारको तुलनामा सुन तोलामा १ हजार ३०० रुपैयाँ र चाँदी १२० रुपैयाँले महँगिएको हो।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला २ लाख ९९ हजार ९०० रुपैयाँ पुगेको छ। त्यस्तै चाँदी प्रतितोला ५ हजार २७५ रुपैयाँ कायम भएको छ।

हिजो बिहीबार छापावाल सुन प्रतितोला २ लाख ९८ हजार ६०० रुपैयाँ र चाँदी ५ हजार १५५ रुपैयाँमा कारोबार भएको थियो। त्यसअघि बुधबार सुन २ लाख ९६ हजार ८०० रुपैयाँ र चाँदी ५ हजार ५० रुपैयाँमा किनबेच भएको थियो।

अन्तर्राष्ट्रिय बजारमा भने आज सुन प्रतिऔँस ४ हजार ७१५ अमेरिकी डलर र चाँदी ७९ अमेरिकी डलरमा कारोबार भइरहेको जनाइएको छ।