एकैदिन २० हजार ५ सयले बढ्यो सुनको मूल्य

दाङ,१७ जेठ । सरकारले सुनको भन्सार दर बढाएपछि सुनको मूल्य एकैदिन ह्वात्तै बढेको छ।

आइतबार सुनको मूल्य तोलामा २० हजार ५०० रुपैयाँले बढेर ३ लाख ११ हजार १०० रुपैयाँ पुगेको नेपाल सुनचाँदी व्यवसायी महासंघले जनाएको छ। यसअघि शुक्रबार सुनको मूल्य २ लाख ९० हजार ६०० रुपैयाँ थियो।

सरकारले आगामी आर्थिक वर्ष २०८३/०८४ को बजेटमा सुनको भन्सार दर १० प्रतिशतबाट बढाएर २० प्रतिशत पुर्‍याएको छ। यही कारण सुनको मूल्य बढेको हो।

यसैगरी, चाँदीको मूल्य पनि बढेको छ। आइतबार चाँदी तोलामा ५ हजार ३४५ रुपैयाँ पुगेको छ। शुक्रबार भने चाँदी ५ हजार ४० रुपैयाँमा कारोबार भएको थियो।